CAUSA XIX.
GRATIANUS.Duo clerici ad monasterium transire uolunt; uterque licentiam
ab episcopo suo petiit; unus relicta propria ecclesia eo inuito,
alter dimissa regulari canonica cenobio se contulit. (Qu. I.)
Modo queritur, si episcopus debeat permittere, ut relicta propria
ecclesia clericus monasterium ingrediatur? (Qu. II.) Secundo
queritur, si episcopus licentiam dare noluerit, an eo inuito monasterium
possit adire? (Qu. III.) Tertio, si contigerit ipsos regulares
canonicos fuisse, utrum concedendus esset eis monasterii
ingressus?