C. VI. Non sunt eligendi ad episcopatum, nisi quos probabilis uita commendat.
Item ex Concilio Laudicensi. [c. 12.]Episcopum non oportet preter iudicium metropolitanorum
et finitimorum episcoporum constitui ad ecclesiae
principatum. Nec eligantur nisi hi, quos multo ante nota
probabilisque uita commendat, et nichilominus si in sermone
fidei et recta ratione per suam conuersationem
probati fuerint.