C. LIII. Petrus post culpam negationis princeps apostolorum a Domino est institutus.
Considerandum est nobis, cur omnipotens Deus eum,quem cunctae ecclesiae preferre disposuerat, ancillae uocem
pertimescere et se ipsum negare permisit. Quod nimirum
magnae actum pietatis dispensatione cognoscimus, ut is,
qui futurus erat pastor ecclesiae, in sua culpa disceret,
qualiter aliis misereri debuisset. Prius itaque eum ostendit
sibi, et tunc preposuit ceteris, ut ex sua infirmitate cognosceret,
quam misericorditer aliena infirma tolleraret.