C. X. Iuste iudicans misericordiam cum iusticia seruat.
Idem.Omnis, qui iuste iudicat, stateram in manu gestat; in
utroque penso iusticiam et misericordiam portat; sed per
iusticiam reddit peccatis sententiam, per misericordiam
peccati temperat penam, ut iusto libramine quedam per
equitatem corrigat, quedam uero per miserationem indulgeat.
Qui Dei iudicia oculis suis proponit, semper timens et
tremens in omni negotio formidat, ne de iusticiae
tramite deuians cadat, et unde non iustificatur, inde potius
condempnetur.