C. XXX. Multorum infirmitates ieiunia sanant.
Idem.Legimus quosdam, morbo articulari et podagrae humoribus
laborantes, proscriptione bonorum ad simplicem mensam
et pauperes cibos redactos conualuisse. Caruerant
enim sollicitudine dispensandae domus et epularum largitate,
que et corpus frangunt et animam. Irridet Horatius
appetitum ciborum, qui consumpti relinquunt penitenciam.