C. XIV. Non est peccatum meretricem ducere in uxorem.
Non est culpandus Osee propheta si meretricem,quam duxit, ad pudicitiam conuertit: sed potius laudandus,
quod ex mala bonam fecit. Non enim qui bonus
permanet polluitur, si societur malo: sed qui malus est in
bonum uertitur, si boni exempla sectetur. Ex quo intelligimus,
non Prophetam perdidisse pudicitiam fornicariae
copulatum, sed fornicariam assumpsisse pudicitiam, quam
antea non habebat.