C. XVI. Alexandrinae ecclesiae a Romana dissentire non licet.
Item Leo Episcopus Dioscoro Episcopo Alexandrino.[epist. LXXIX. al. LXXXI.]
Cum beatissimus Petrus apostolus a Domino acceperit
principatum, et Romana ecclesia in eius permaneat
institutis, nefas est credere, quod sanctus episcopus discipulus
ipsius Marcus, qui Alexandrinam primus ecclesiam
gubernauit, aliis regulis traditionum suarum decreta
firmauerit, cum sine dubio de eodem fonte gratiae unus
spiritus et discipuli fuerint et magistri, nec aliud
ordinatus tradere potuit, quam quod ab ordinatore
suscepit.