C. IX. Expositos defendat ecclesia, si quis eorum calumpniator extiterit.
Item ex Concilio Tolletano.III. Pars. Si expositus ante ecclesiam cuiuscumque
sit miseratione collectus, contestationis ponatur epistola,
ut si is, qui collectus est, intra decem dies
quesitus agnitusque non fuerit, securus habeat qui collegit.
Sane, qui post predictum tempus calumpniator extiterit, ut
homicida ecclesiastica districtione dampnabitur, sicut Patrum
sanxit auctoritas.