C. II. Offitialem libellum ab episcopo accipiant presbiteri, cum ordinantur.
Item ex eodem. [Toletano IV. c. 25.]Quando presbiteri in parrochiis ordinantur, libellum
offitialem a sacerdote suo accipiant, ut ad ecclesias sibi
deputatas instructi succedant, ne per ignorantiam etiam
in ipsis diuinis sacramentis offendant. Cum uero ad
letanias uel ad concilium uenerint, rationem episcopo suo
reddant, qualiter susceptum offitium celebrent, uel
baptizent.