C. I. Sine sacramento uisibili et fide inuisibili nemo saluatur.
Idem super IohannemI. Pars. Necessarium est uisibile sacramentum aquae
ad ablutionem uisibilis corporis, sicut necessaria est doctrina
inuisibilis fidei ad sanctificationem inuisibilis animae. Idem:
§. 1. Renascitur homo ex aqua, uisibili sacramento, et spiritu,
inuisibili scilicet intellectu, ut simbolum baptismi uisibiliter
accipiat, et spiritualem intellectum ipsius simboli percipiat.
Vel ex aqua uisibili et Spiritu sancto.