C. CVI. Ad baptizandi offitium et ad uestimenta altaris lauanda sacerdotes propria debent habere uasa.
Item ex Concilio Ylerdensi.XX. Pars. Omnis presbiter, qui fontem lapideum
habere nequiuerit, uas conueniens solummodo ad
offitium baptizandi habeat, quod extra ecclesiam non
deportetur. Similiter ad corporale lauandum, et ad pallas
altaris propria habeantur uasa, in quibus nichil aliud fiat.