C. XXX. Quando celebratur missa, presbiterium laici ingredi non presumant.
Item Clemens Papa.XI. Pars. Sacerdotum aliorumque clericorum ecclesiis
seruientium honores a laicorum discrete apparere
conueniunt. Quamobrem nulli laicorum liceat in eo loco,
ubi sacerdotes et reliqui clerici consistunt (quod
presbiterium nuncupatur), quando missa celebratur, consistere,
ut libere ac honorifice possint sacra offitia exerceri.