< Dokument zurück | Gehe zu Spalte:  | Dokument vor >

C. V. Non est adultera uirgo, que nesciens uiro nubit alieno.

Si uirgo nesciens uiro nupserit alieno, hoc si semper
nesciat, numquam ex hoc erit adultera. Si autem sciat, iam
ex hoc esse incipit, ex quo cum alieno sciens cubauerit,
sicut in iure prediorum tamdiu quisque bonae fidei
possessor rectissime dicitur, quamdiu se possidere ignorat
alienum; cum uero scierit, nec ab aliena possessione recesserit,
tunc malae fidei perhibetur, tunc iuste iniustus
uocabitur.
V. Pars. Gratian. Sic etiam ignorantia excusat eum,
qui nesciens dormiuit cum sorore uxoris.
Unde in Concilio Triburiensi legitur:

< Dokument zurück | Gehe zu Spalte:  | Dokument vor >