C. I. Non potest uir continentiam seruare, nisi uxoris teneat assensum.
Si dicat uir: continere iam uolo; nolo iam uxorem;non potest. Quod enim tu uis illa non uult. Numquid
per tuam continentiam debet illa fieri fornicaria? si alii
nupserit te uiuo, adultera erit. Non uult tali lucro Deus
tale dampnum conpensari. Redde debitum, et, si non
exigis, redde. Pro sanctificatione perfecta Deus tibi
conputabit, si non quod tibi debetur exigis, sed reddis
quod uxori debetur.