C. XXII. Causa adulterii uxorem relinquens continentiam seruet.
Item illud Gregorii.Hii uero, qui uxores suas in adulterio deprehendunt,
non licebit nec eum, nec illam aliam uxorem accipere,
uel alium uirum, quamdiu ambo uiuunt. Si autem adultera
mortua fuerit, uir eius, si uult, nubat, tantum in Domino;
adultera uero numquam, etiamsi mortuus fuerit uir eius.
Omnibus tamen diebus uitae suae acerrimae penitenciae
lamenta persoluat.