C. XV. Fideles infidelibus non sunt coniugio sociandi.
Caue, Christiane, gentili aut Iudeo filiam tuam tradere,Caue, inquit, gentilem, aut Iudeam atque alienigenam,
hoc est hereticam, et omnem alienam a fide tua uxorem
accersas tibi. Prima coniugii fides gratia castitatis est.
§. 1. Si Christiana sit, non est satis, nisi ambo initiati
sitis sacramento baptismatis. Simul ad orationem nocte
uobis surgendum est, et coniunctis precibus obsecrandus
Deus.