C. XL. Consuetudine scripturae sponsae coniuges, et sponsi uiri appellantur.
"Genuit Ioseph uirum Mariae". Cum uirum audieris,suspicio tibi non subeat nuptiarum, sed recordare consuetudinis
scripturarum, quod sponsi uiri, et sponsae uocentur
uxores. Et infra: §. 1. Non ab alio inuenta est, nisi a
Ioseph, qui pene licentia maritali futurae uxoris omnia
nouerat. Et infra: §. 2. "Ioseph fili Dauid, etc." Iam
ut supra diximus, sponsas uxores appellari, quod
plenius liber aduersus Heluidium docet.