C. I. Iuramentum pro federe pacis est faciendum.
Omne, quod in federa pacis uenit, tunc solidius subsistit,cum iuramenti hoc interpositio roborat. Sed et
omne, quod amicorum animos conciliat, tunc fidelius
durat, cum eos sacramenti uincula ligant. Omne enim,
quod testis adstipulatur, uerius constat, cum id
iurationis adiectio affirmat. Quod et si testis deficiat,
innocentis fidem sola iurisiurandi taxatio manifestat.