< Dokument zurück | Gehe zu Spalte:  | Dokument vor >

C. I. Regulares canonici monachi fieri non debent.

Nullus abbas uel monachus canonicos regulares a proposito
professionis canonicae reuocare, atque ad monasticum
habitum trahendo suscipere audeat, ut monachi fiant,
quamdiu ordinis sui ecclesiam inuenire quiuerint, in qua
canonice uiuendo Deo seruire, et animam suam saluare possint.
Quod si temerario ausu id agere temptauerint, anathematis
uinculo obligentur.

< Dokument zurück | Gehe zu Spalte:  | Dokument vor >