C. VII. Veniam habent que ignorantes ebrii conmittunt.
Idem in libro de patriarchis. [c. 6. libro de Abraham.]Sane discimus uitandam ebrietatem, per quam crimina
cauere non possumus. Nam que sobrii cauemus per ebrietatem
ignorantes conmittimus. §. 1. Nesciunt quid loquantur
qui nimio uino indulgent, iacent sepulti, ideoque, si
qua per uinum deliquerint, apud sapientes iudices uenia
quidem facta donantur, sed leuitatis dampnantur auctores.