C. LXXIII. Licet religionis intuitu res ecclesiae alienare.
Si episcopus unam de parrochitanis ecclesiis suismonasterium dicare uoluerit, ut in ea monachorum
congregatio regulariter uiuat, hoc de consensu concilii sui
licentiam habeat faciendi. Qui etiam, si de rebus ecclesiae
pro eorum substantia aliquid, quod detrimentum ecclesiae
non exhibeat, eidem loco donauerit, sit stabile. Rei enim
bonae statuendae sanctum concilium dat consensum.