[C. LIV.]
Idem in Psalmo XXXVII. [ad uers. Quoniam in te speraui.]Custodi intus innocentiam tuam, ubi nemo obprimit
causam tuam. Preualebit in te falsum testimonium, sed
apud homines. Numquid apud Deum ualebit, ubi causa tua
dicenda est? Quando Deus erit iudex, alius testis quam
conscientia tua non erit. Inter iudicem iustum et conscientiam
tuam noli timere nisi causam tuam.