C. XVI. De eodem.
Item Gelasius. [ad Faustum legatum]Ipsi sunt canones, qui appellationes totius ecclesiae
ad huius sedis examen uoluerunt deferre. Ab
ipsa uero numquam prorsus appellare debere sanxerunt,
ac per hoc illam de tota ecclesia iudicare, ipsam ad
nullius conmeare iudicium, nec de eius umquam preceperunt
iudicari iudicio, sententiamque eius constituerunt
non oportere dissolui, cuius potius sequenda decreta
mandauerunt.