C. XX. Testes corporaliter prestito sacramento testimonium dicant.
Idem Decorato Patricio.Hortamur, ut, sub timore Domini consuetam conscientiae
uestrae sinceritatem in hoc quoque negotio conseruantes,
omnem personis, que ueritatem causae istius scire
possunt, faciatis amputari formidinem, et uestris presentati
conspectibus, tactis sacrosanctis euangeliis, prebito
etiam legaliter sacramento, que in rerum ueritate
norunt professione suae testificationis aperiant, ut, patefactis
omnibus, que secundum leges et iustitiam censenda
sint cognoscatis, et conuenientem legibus et ueritati
terminum detis.