C. XXVII. De eodem.
Item ex Concilio Cartaginensi III. [c. 17.]Cum omnibus omnino clericis extraneae feminae non
cohabitent, sed solae matres, auiae et materterae, amitae,
sorores et filiae fratrum aut sororum, et quecumque ex
familia domestica necessitate, etiam antequam ordinarentur,
iam cum eis habitabant, uel si filii eorum iam ordinatis
parentibus uxores acceperunt, aut seruis, non habentibus
in domo quas ducant, aliunde ducere necessitas fuerit.