C. I. In quibus locis primates uel patriarchae debeant ordinari.
Urbes et loca, in quibus primates presidere debent,non modernis, sed multis ante aduentum Christi sunt
statutae temporibus quarum primates gentiles etiam pro
maioribus negotiis appellabant. §. 1. In ipsis uero urbibus
post aduentum Christi apostoli et eorum successores
patriarchas et primates posuerunt, ad quos episcoporum
negotia, salua in omnibus apostolica auctoritate, et maiores
causae post apostolicam sedem sunt referendae.