C. VII. De temporibus ordinationis.
Item Gelasius omnibus Episcopis. [epist. I. cap. 13.]V. Pars. Ordinationes presbiterorum et diaconorum
nisi certis temporibus et diebus exerceri non debent, id
est quarti mensis ieiunio et septimi et decimi; sed
etiam quadragesimalis initii, ac medianae hebdomadae,
sabati ieiunio circa uesperas ipsas ordinationes
nouerint celebrandas, nec cuiuslibet utilitatis seu
presbiterum, seu diaconum his preferre audeant, qui ante
ipsos fuerint ordinati.