C. V. Non recipiatur a conprouincialibus qui regia ordinatione episcopale culmen adipiscitur.
Item ex Concilio Parisiensi. [I. cap. 8.]Si per ordinationem regiam honoris istius culmen peruadere
aliquis nimia temeritate presumpserit, a conprouincialibus
ipsius loci episcopis recipi nullatenus mereatur,
quem indebite ordinatum agnoscunt. Si quis de conprouincialibus
recipere eum contra interdicta presumpserit,
sit a fratribus omnibus segregatus et ab ipsorum omnium
karitate submotus.