C. XV. Vere iustus miseris compatitur, delinquentibus indignatur.
Idem. [homil. XXXIV. in euangel. (circa init.]Vera iusticia compassionem habet, falsa dedignationem,
quamuis et iusti soleant recte peccatoribus indignari.
Sed aliud est, quod agitur tipo superbiae,
aliud, quod zelo disciplinae. Dedignantur etenim, sed
non dedignantes. §. 1. At contra hi, qui de falsa
iusticia superbire solent, ceteros quosque despiciunt, nulla
infirmantibus misericordia condescendunt, et quo se peccatores
esse non credunt, eo deterius peccatores fiunt.