Münchener DigitalisierungsZentrum - Digitale BibliothekBSB - Bayerische Staatsbibliothek

Decretum Gratiani (Kirchenrechtssammlung)

< Dokument zurück | | Dokument vor >

C. XXV. Vestimenta altaris et uasa sacrata mulieres tangere prohibeantur.

Sacratas Deo feminas uel monachas sacra uasa uel
sacratas pallas penes uos contingere, et incensum circa
altaria deferre, perlatum est ad apostolicam sedem: que
omnia uituperatione et reprehensione plena esse, nulli
recte sapientum dubium est. Quapropter huius sanctae
sedis auctoritate hec omnia uobis resecare funditus,
quanto citius poteritis, censemus. Et ne pestis hec
latius diuulgetur, per omnes prouincias abstergi citissime
mandamus.

< Dokument zurück | | Dokument vor >