C. X. Quid sit ius militare.
[Isidor. eod. c. 7.]Ius militare est belli inferendi solempnitates, federis
faciendi nexus, signo dato egressio in hostem uel commissio;
item signo dato receptio; item flagitii militaris disciplina,
si locus deseratur; item stipendiorum modus, dignitatum
gradus, premiorum honor, ueluti cum corona uel
torques donantur; item predae decisio, et pro personarum
qualitatibus et laboribus iusta diuisio, ac principis porcio.