C. XXXVI. Modus et solempnitas faciendae professionis hoc ordine seruetur.
Item ex Concilio Tolletano. [X., c. 5.]Omnes feminae uenientes ad sacram religionem
pallio capita contegant, et conscriptam roboratamque
professionem faciant, post quam scripturam non
sinantur relabi ad preuaricationis audaciam. §. 1. Que uero
ex omnibus his fuerint repertae animum aut uestem in
transgressionem dedisse, excommunicationis sentenciam
ferant, et rursus mutato habitu in monasteriis, donec
diem ultimum claudant, sub erumpnis arduae penitenciae
permaneant religatae.