C. VII. Vita, non sentencia aliquem ab ecclesia eicit, uel ad eam reducit.
Item Origenes super Leuiticum. [hom. XIV. ad c. 24.]Cum aliquis exiit a ueritate, a timore Dei, a fide,
a karitate, exit de castris ecclesiae, etiamsi per episcopi
uocem minime abiciatur; sicut e contrario, aliquis
non recto iudicio foras mittitur, sed si ante non
exierit, id est non egerit ut mereretur exire, nichil
leditur. Interdum enim qui foras mittitur intus est, et
qui foris est intus uidetur retineri.