C. V. Spe reconciliationis careat qui ab episcopis condempnatus inperatorem adierit.
Item ex Concilio Martini Papae. [c. 35.]Si quis episcopus, presbiter aut diaconus excommunicatus
in concilio iniuste se queritur condempnatum, ad maiorum
episcoporum concilium reuertatur, ut eorum
inquisitionem et iudicium expectans, si quas se iustas causas
habere putat, illis exponat. Si autem contempserit, et
inportans se palatio aures principum inquietare uoluerit,
hic ad nullam ueniam poterit peruenire, neque spem futurae
reconciliationis habebit.