C. XXVI. De eodem.
Item ex VIII. Sinodo.In omnibus obseruare conuenit, ut certus quis, et
certo tempore, et certo loco, et certis personis uel apparere
clericus, uel loqui debeat mulieribus, ut excludatur
omnis nefanda suspicio. Certe solum ad solam accedere
nulla religionis ratio permittit. "Melius enim duo, quam
unus." Simul enim et fidelius, et tutius res geritur.
"Ve enim uni, quia si ceciderit, non est qui erigat eum."