C. LVI. Bigamus, penitens, uiduae maritus, sacrae militiae se
ingerens, sine spe promotionis in suo ordine permaneat.Item Siricius Papa Himerio Episcopo. [epist. I. c. 15.]
Quicumque penitens, quicumque bigamus, quicumque
uiduae maritus ad sacram miliciam indebite et incompetenter
irrepserit, hac sibi condicione a nobis ueniam intelligat
relaxatam, ut in magno debeat computare beneficio, si
adempta sibi omni spe promocionis in hoc quo inuenitur
ordine perpetua stabilitate permaneat.